عروس النيل كلمات
أسماء الجنيد
زمان فى مره نادتنى حبوبة
منتكيه فوق ضل الضحى .. ومتوسده توبا
فارشالا برشاً من سعف
فوق عنقريب تاكلاه بى طوبه
تقلالا بناً فوق جميراتاُ تشطشط
طاشة لما تهب نسيمه أو هبوبا
وريحة القلوة تعكل
والفنيجينات تهلل
جاهزه للبكريه لما تجيها مصبوبه
وجبنة الطين محكره فوق وقاية السكسك
البلخرزه معصوبه
قات لى ...
تعالى يا بنيتى جمبى حداى
بدور أحكيلك الليله ..حكاية السمحه زينوبا
بنيةُ من بنات الحله جاهلة صغيره يا دوبا
فريعة بانا منقسمة
غزال نافر جبال التاكا والنوبه
يغنيلا الفريق كله .. وحياتا ديمه حلفوبا
جنيات البلد يتلمو ..
ساعة الورده
فوق البير يحلموبا
كتير من دق باب بيتا
وكتير من صدً جارى الخيبه والتوبه
شى يقولولو لسه صغيره يا دوبا
وشى يقولولو مخطوبه
رباية عز .. جدودا رجال
ركيزه الحله وكت الحاره والحوبه
إلاّ القسمه لما تحين تجيكَ عديل
مو بى سكة مزروبه
فى يوم عصريه ...
جاتنى التومه بت أحمد
تجر توبا..
تقول كرعيها مكروبه
وبى آخر نفس قات لى
سمعتى الليله بت العازه زينوبا
جاها عريس قدر جدى
وأبوها أداها بت أمى
بنيه رضيه مغلوبه
فى شان شيخ من قبيله مأصله
ياختى القصه ياها عديله محسوبه
عليك الله . . !!!!
واشرى بت العازه
يالدفنوك حليل الكان بغنوبا
وجات السيره شايله الشيل
دفوف وطبول ترز قدامهم النوبه
شى زغاريد .. وشى نواحات
عليك يا الزينه بت الحله محبوبه
عيون شاردات .. وناس واجمات
وكل الحله مقلوبه
وفجأة تدوى صرخة تشق سواد الليل
تصحى الكان فى غيبوبه
الحقو على يا جنيات .. الحقو على يا جنيات
الحقو على أنا الموجوعه أحيي ووبا
فى ديك الساعه كان النيل
ختف نوارة الحله عروسنا السمحه زينوبا
منتكيه فوق ضل الضحى .. ومتوسده توبا
فارشالا برشاً من سعف
فوق عنقريب تاكلاه بى طوبه
تقلالا بناً فوق جميراتاُ تشطشط
طاشة لما تهب نسيمه أو هبوبا
وريحة القلوة تعكل
والفنيجينات تهلل
جاهزه للبكريه لما تجيها مصبوبه
وجبنة الطين محكره فوق وقاية السكسك
البلخرزه معصوبه
قات لى ...
تعالى يا بنيتى جمبى حداى
بدور أحكيلك الليله ..حكاية السمحه زينوبا
بنيةُ من بنات الحله جاهلة صغيره يا دوبا
فريعة بانا منقسمة
غزال نافر جبال التاكا والنوبه
يغنيلا الفريق كله .. وحياتا ديمه حلفوبا
جنيات البلد يتلمو ..
ساعة الورده
فوق البير يحلموبا
كتير من دق باب بيتا
وكتير من صدً جارى الخيبه والتوبه
شى يقولولو لسه صغيره يا دوبا
وشى يقولولو مخطوبه
رباية عز .. جدودا رجال
ركيزه الحله وكت الحاره والحوبه
إلاّ القسمه لما تحين تجيكَ عديل
مو بى سكة مزروبه
فى يوم عصريه ...
جاتنى التومه بت أحمد
تجر توبا..
تقول كرعيها مكروبه
وبى آخر نفس قات لى
سمعتى الليله بت العازه زينوبا
جاها عريس قدر جدى
وأبوها أداها بت أمى
بنيه رضيه مغلوبه
فى شان شيخ من قبيله مأصله
ياختى القصه ياها عديله محسوبه
عليك الله . . !!!!
واشرى بت العازه
يالدفنوك حليل الكان بغنوبا
وجات السيره شايله الشيل
دفوف وطبول ترز قدامهم النوبه
شى زغاريد .. وشى نواحات
عليك يا الزينه بت الحله محبوبه
عيون شاردات .. وناس واجمات
وكل الحله مقلوبه
وفجأة تدوى صرخة تشق سواد الليل
تصحى الكان فى غيبوبه
الحقو على يا جنيات .. الحقو على يا جنيات
الحقو على أنا الموجوعه أحيي ووبا
فى ديك الساعه كان النيل
ختف نوارة الحله عروسنا السمحه زينوبا
