منو المسئول عن التركه .بقت شركه.. اصوله مشتركه....منو البجهر بصوت الحق فى عز الليل ..ظلام دامس..صهيل الخيل..يجيب الويل يزيدنا عويل.بدون بركه. انا المسئول عن التركه .انا الانسان..اخو الاخوان ..بكيل ميزان ..معاى كيزان ..بزيد بركة منو البيقدر يعاندنى ..يقول عنى الكلام الشين. بحمرة عين .يجينا حزين .يحدثنا . بصدق القول عن الشركة. وعن جبايات تهد الحيل .تزيدنا عويل ..تقول احلامنا مشتركة. اخويا الليلة لاتندم . بكرة الصباح يطلع. ونور الشمس يسطع ..يزيل الهم ..ويبسم فم ..بلون الدم ..خضاب عندم.اخوى ماشفت الزول هنك سمح بالحيل .تقول بلهول ..فى عز الطول ..حضرة صول..زعيم حركة. عقب للحول .وبعد الحول ..وبعد الحول .بقت شركة ..اصولا مشتركة ..نسيج شبكة.اخوى الليلة زعيمنا جلابى .شريفا فى النسب صافى ..ومتعافى ..رصيدا فى البنوك كافى ..قليب فى النفوس جافى ..فلس مافى .تقول احلامنا مشتركة.ولدنا من الفقر ممكون غريب فى الكون ..غداهو شجون .وراهو من العيال دستة . ومصاريف تهد الحيل.صبح محزون ..وراهو بطون . نفوس مليانة بالحسرة عيونا منكسرة عشاها ملح مع كسرة..عقب ماتصحى لى بكرة.اريتنا نقوم ..ياود التوم ..من عز النوم ..وسط الخرطوم ..نزيل اللوم ..ونساءل عن نصيب تركة ..بقت شركة..اصولا مشتركة.
