ديل نحن الغبش الدايرنو جـــد بنسوي
نحن أهل الثبات لابنجوط ولابنعــــوي
نحن المابنخاف إلا الشديد القــــــوي
نحن أبو أندرق دابــــي الشتاء المتلوي
وكمان أهل الكرم الضيف مافاتنا مهـوي
نشعل للحرايق للفيافي نضــــــوي
وارثين للفراسة صهيل فرسنا يصـــوي
مابنخاف من غاره ولا العيار الجــــوي
****
ديل نحن الغبش نظار وعمد ومشايخـــة
ديل أهل التقيلة موناس رزيلة وبايخـــة
لو ضرب النحاس الناس تدقشك دايخـــة
ديل أهل التقيلة أهل الصعاب الشايخــــة
****
ديل أهل الفزعـــــة والكل محمل درعو
يجـــــوك الحضر قبل البيزرعو وبرعو
عارفين الدواس وضايقين مر ارتو وجرعـو
أكالـــــين الجمر قبال ما يكبر فرعــو
*****
ديل نحن الغبش أهل الدين وحفظو وشرعـو
كيف نفرط فيه وكيف نرضـي زلو وخرعو
ماديرين دخيل في بلدنا أحسن ورعـــــو
حالفين باليمين إن جانا داك يـــوم صرعو
