قالت لي رميت طوبتك

الناشر " abdai" فى 8:15 ص - الأربعاء، 18 يوليو 2012

قالت لي رميت طوبتك

وبعتك لي زمن اغبر

قدر مكتوب ولازم ليهو تتقبل

بقول ليك :

يا روح الروح

يا محبوبه

يا بنيه اعجوبه

انا في جواك ما طوبه

ولا صورة ريده مقلوبه

ولا حجوه قديمه

تحكيها حبوبه

انا في جواك

جدار من عشق ممتد

مسلح ريده فايته الحد

ومهما جارات الايام

ومهما الزمان امتد

ومهما البعد

عن دنياك فات الحد

بتلقيني جاري في دمك

ودايما بشيل همك

بريدك ريده

اكتر مما رادتك امك

اضمك في الخيال ساعات

وساعة تسكت الكلمات

يسري في جواي احساسك

واتنفس انفاسك

يا بنيه اعجوبه

شوفيني في جواك

وواجهي هواك

انا في جواك ما طوبه

ضمن : الواحه, دارجى, عام

تابعنا على Twitter, انضــم الينا على Facebook. تابع جديدنا عبر RSS اشترك ايمن ابضاي

تعليقات عبر ( facebook )

مشاركه على ( tweeter )

0 تعليقات عبر ( Blogger )

" مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ "

تذكار رحيب لمن تخطاها ووقوف في حضرة من يدرس الـان

مدونه تعكس وجه اخر للشباب السوداني .. مواضيع ثقافيه وعلميه وتوعيه صحيه بالـاضافة لتنميه الذات تتخلها نكت ودعابات من ثقافات سودانيه تحمل مفهوم الدقائق المسروقه بين محاضراتنا وملتقانا على البينشات لمن يدرس الـان او استرجاع ذكري لمن تخطى هذه المرحله

قسم الادب والفنون

قسم خاص بالرجال

قسم خاص بالستات

قسم اخباري

أغلق